Vamsi M Maganti

"అనగనగా" అన్నది ఒకానొకప్పుడు తెలుగు వాళ్ళకు, ఎన్నో తరాలకు అతిప్రియమైన పదం. ఎంతో పరిచయం ఉన్న పదం. ఈనాడు ఆ తరాలు పోయినాయి. దాన్ని తర్వాతి తరాలకు అందించే అమ్మమ్మలు, నాన్నమ్మలు, తాతయ్యలు వెళ్ళిపోయారు. ఈ సుడిగాలి వంటి శతాబ్దంలో, ఆ పదం తెలిసిన అమ్మలకు, నాన్నలకు ఊపిరి పీల్చుకోవడానికి కూడా తీరిక లేదు. చాలా మంది ఆ పదాన్ని మర్చిపోయారు. ఆ మర్చిపోయినదాన్ని, అది ఒకప్పుడు ఎన్నో తరాలకు అందించిన మధురానుభూతులని, ఊహాశక్తిని తిరిగి బతికించే, తిరిగి చిగురింపచేసే వానచుక్కంతటి ప్రయత్నం నాది. నాకు తెలిసిన భాషలో, నాకొచ్చిన చిన్న చిన్న మాటలలో మా అమ్మాయికి మౌఖికంగా చెప్పిన కథలు, ఆ తరువాత కాలంలో రాతపూర్వకం చేయగా - ఈనాటికి వందల కథలు పూర్తి చేసిన ఈ పుస్తక యజ్ఞం - వేల కథలకు చేర్చేదాకా ఆగదని విశ్వసిస్తూ - ఆ ప్రయత్నానికి మీరంతా తోడుగా ఉంటారనే నమ్మకంతో - ఓం తత్ సత్! మాగంటి వంశీ www.maganti.org